வாகன உரிமையாளர்கள் எரிபொருள் QR குறியீடுகளைப் பெறுவதில் எதிர்கொள்ளும் சவால்களைச் சமாளிக்கும் வகையில் டிஜிட்டல் பொருளாதார அமைச்சு புதிய “Override” அம்சத்தை அறிமுகப்படுத்தியுள்ளது.
பயனர்கள் துல்லியமான வாகனம் மற்றும் சேசிஸ் விவரங்களை வழங்கினால், இந்த விருப்பத்தின் மூலம் அவர்கள் முந்தைய பதிவுகளை இரத்துசெய்து, புதிய மொபைல் எண்ணைப் பயன்படுத்தி மீண்டும் பதிவு செய்துகொள்ளலாம்.
முக்கியத் தேவைகள்;
- அடையாளத்தை உறுதிப்படுத்த, வாகனம் மற்றும் சேசிஸ் எண்கள் சரியாக உள்ளிடப்பட வேண்டும்.
- 2026 மார்ச் 14 ஆம் திகதிக்கு முன்னர் எரிபொருள் QR குறியீடுகளுக்காகப் பதிவுசெய்யப்பட்ட வாகனங்களுக்கு மட்டுமே பொருந்தும்.
- மற்றொரு மொபைல் எண்ணின் கீழ் உள்ள தற்போதைய பதிவை இரத்துசெய்து, உண்மையான உரிமையாளரின் எண்ணின் கீழ் புதிய பதிவை மேற்கொள்ளலாம்.
- Override விருப்பத்தைத் தேர்ந்தெடுப்பது, பழைய கணக்கை உடனடியாக நீக்கிவிட்டு, புதுப்பிக்கப்பட்ட விவரங்களுடன் ஒரு புதிய கணக்கைச் செயல்படுத்தும்.
மேலதிக அனுமதி செயல்முறை முடிந்தவுடன், முந்தைய பயனர் அந்த வாகனத்தின் QR குறியீடு தொடர்பான அணுகல் மற்றும் சிறப்புரிமைகளை இழப்பார் என்று அதிகாரிகள் விளக்கினர்.
சட்டப்பூர்வ உரிமை இல்லாமல் ஒரு வாகனத்திலிருந்து தரவுகளை அகற்ற முயற்சிப்பது தண்டனைக்குரிய குற்றமாகும் என்று அமைச்சு மேலும் எச்சரித்துள்ளது.
இந்த பாதுகாப்பு ஏற்பாடு, தவறான பயன்பாட்டைத் தடுப்பதையும், உண்மையான உரிமையாளர்கள் தங்கள் உரிமைகளைத் தடையின்றி அணுகுவதை உறுதி செய்வதையும் நோக்கமாகக் கொண்டுள்ளது என்றும் அது மேலும் கூறியது.
