நாட்டின் பல பகுதிகளில் இடியுடன் மழை: மீனவர்களுக்கும் எச்சரிக்கை

சிலாபத்திலிருந்து, கொழும்பு, காலி ஊடாக மாத்தறை வரையான கரையோரத்திற்கு அப்பாற்பட்ட கடற்பரப்புகளில் அவ்வப்போது மழை அல்லது இடியுடன் கூடிய மழை பெய்யக் கூடிய சாத்தியம் காணப்படுகின்றது.

நாட்டைச் சூழவுள்ள கடற்பரப்புகளில் தென்மேற்குத் திசையிலிருந்து காற்று வீசக் கூடும்.

காங்கேசந்துறையிலிருந்து மன்னார் ஊடாக கல்பிட்டி வரையிலும் மற்றும் காலியிலிருந்து அம்பாந்தோட்டை ஊடாக பொத்துவில் வரையிலுமான கரையோரத்திற்கு அப்பாற்பட்ட கடற்பரப்புகளில் காற்றின் வேகமானது அவ்வப்போது மணித்தியாலத்துக்கு 50-60 கிலோ மீற்றர் வரை அதிகரிக்கக் கூடிய சாத்தியம் காணப்படுகின்றது.

இக்கடற்பரப்புகளில் பயணம் செய்வோரும் மீனவ சமூகமும் இது தொடர்பில் வளிமண்டலவியல் திணைக்களம் விடுக்கும் எதிர்கால முன்னறிவிப்புகள் குறித்து அவதானமாக இருக்குமாறு அறிவுறுத்தப்படுகின்றார்கள்.