தேர்தல்களில் வாக்குரிமை மறுக்கப்படும் வாக்காளர்கள் குறித்த நிபுணர் கலந்துரையாடல் நாளை: சமூக நீதிக்கான தேசிய இயக்கம் ஏற்பாடு!

இலங்கையில் நடைபெறும் எந்தவொரு தேர்தலின் போதும் வசதிகள் குறைவாக உள்ளமையால் வாக்களிக்கும் வாய்ப்பை இழக்கும் வாக்காளர்கள் குறித்து ஆராயும் சிறப்பு நிபுணர் கலந்துரையாடல் ஒன்று நாளை (நவம்பர் 03) நடைபெறவுள்ளது.

இது தொடர்பில் ‘நியாயமான சமூகத்திற்கான தேசிய இயக்கம்’ (National Movement for Social Justice) தயாரித்த சிறப்பு அறிக்கையை வெளியிட்டு, அதில் உள்ளடக்கப்பட்டுள்ள விடயங்கள் குறித்து கவனம் செலுத்தும் நோக்கில் இந்தச் சிறப்புச் கலந்துரையாடல் ஏற்பாடு செய்யப்பட்டுள்ளது.

இந்த நிகழ்வில் கலந்துகொள்வதற்காக அரசியல் கட்சிகளின் பிரதிநிதிகள், தேர்தல் ஆணைக்குழு உள்ளிட்ட சம்பந்தப்பட்ட நிறுவனங்களின் தலைவர்கள், தேர்தல் கண்காணிப்பு அமைப்புகள், சிவில் அமைப்புகளின் தலைவர்கள் மற்றும் பல்கலைக்கழக பேராசிரியர்கள் உள்ளிட்ட பலருக்கு அழைப்பு விடுக்கப்பட்டுள்ளது.