36-ஆவது நேட்டோ உச்சிமாநாட்டை நடத்தத் தயாராகும் அங்காரா: உலகத் தலைவர்களை வரவேற்கிறது துருக்கி!

துருக்கி  தலைநகர் அங்காராவில் ஜூலை 7 மற்றும் 8 ஆகிய தேதிகளில் நடைபெறவுள்ள 36-ஆவது நேட்டோ (NATO) உச்சிமாநாட்டிற்காக உலகத் தலைவர்களை வரவேற்க அந்நாடு தீவிரமாகத் தயாராகி வருகிறது.

2004 ஆம் ஆண்டு இஸ்தான்புல்லில் நடைபெற்ற மாநாட்டிற்குப் பிறகு, துருக்கி நேட்டோ கூட்டணித் தலைவர்களின் உச்சிமாநாட்டை நடத்துவது இது இரண்டாவது முறையாகும்.

இந்த ஆண்டின் மிகப்பெரிய மற்றும் மிக முக்கியமான இராஜதந்திர நிகழ்வுகளில் ஒன்றான இந்த மாநாட்டிற்காக, தலைநகர் அங்காரா முழுவதும் வரலாறு காணாத பாதுகாப்பு ஏற்பாடுகள் செய்யப்பட்டுள்ளன.

பல்லாயிரக்கணக்கான பாதுகாப்புப் படையினர் நகரம் முழுவதும் குவிக்கப்பட்டு தீவிர கண்காணிப்புப் பணிகள் மேற்கொள்ளப்பட்டு வருகின்றன.

விமான நிலையங்கள், தலைவர்கள் தங்கும் விடுதிகள் மற்றும் மாநாடு நடைபெறும் பெஷ்டெப் அதிபர் வளாகம் (Beştepe Presidential Complex) ஆகியவற்றைச் சுற்றி பலத்த பாதுகாப்பு வளையம் உருவாக்கப்பட்டுள்ளது.

உக்ரைன் மற்றும் இந்தோ-பசிபிக் கூட்டாளி நாடுகள் உட்பட 32 உறுப்பு நாடுகளின் தலைவர்கள் இந்த மாநாட்டில் கலந்துகொள்வார்கள் என எதிர்பார்க்கப்படுகிறது.

உலகளாவிய இராஜதந்திர மையமாக அங்காராவை மாற்றும் நோக்கில் துருக்கி அரசு இந்த உச்சிமாநாட்டிற்கான ஏற்பாடுகளை மிக நேர்த்தியாகச் செய்து வருகிறது.