ஐசிசி உலகக் கிண்ண இருபதுக்கு இருபது தொடரின் “சூப்பர் 12” இன் 36 வது போட்டியாக நமீபியா மற்றும் நியூசிலாந்து அணிகள் மோதின.இன்றைய போட்டி சார்ஜாவில் இடம்பெற்றது.
நாணய சுழற்சியில் வெற்றி பெற்ற நமீபியா அணி முதலில் களத்தடுப்பை தெரிவு செய்தது.
முதலில் துடுப்பெடுத்தாடிய நியூசிலாந்து அணி 20 ஓவர்கள் முடிவில் 4 விக்கெட்டுகளை இழந்து 163 ஓட்டங்களை பெற்றுக் கொண்டது.
நியூசிலாந்து அணியின் துடுப்பாட்டத்தில் கப்டில் 18, மிச்சல் 19, வில்லியம்சன் 28, கொன்வே 17, கிலேன் பிலிப்ஸ் 39, நீசம் 35 ஓட்டங்களையும் பெற்றுக் கொடுத்தனர்.நமீபியா அணியின் பந்துவீச்சில் சொல்ட்ஸ் ,வய்ஸ் மற்றும் எரஸ்மஸ் தலா ஒரு விக்கெட்டுகளையும் வீழ்த்தினார்கள்.
164 என்ற வெற்றி இலக்கை நோக்கி களமிறங்கிய நமீபியா அணி 20 ஓவர்கள் முடிவில் 7 விக்கெட்டுகளை இழந்து 111 ஓட்டங்களை பெற்று தோல்வியை தழுவியது.
நமீபியா அணியின் துடுப்பாட்டத்தில் மய்கல் வன் லிங்கன் 25, ஸனே கிரீன் 23 ஓட்டங்களையும் பெற்றுக் கொடுத்தனர்.நியூசிலாந்து அணியின் பந்துவீச்சில் டிம் ஸொவ்தி மற்றும் டிரன்ட் போல்ட் தலா 2 விக்கெட்டுகளையும் கைப்பற்றினார்கள்.
