பிரியந்த குமாரவின் படுகொலையானது இரு நாடுகளுக்கும் இடையே உள்ள நட்புறவை சீர்குலைக்கும் வகையில் தீவிரவாத குழுவின் முயற்சி-முருத்தெட்டுவே ஆனந்த தேரர்!

பிரியந்த குமாரவின் படுகொலையானது பாகிஸ்தானுக்கும் இலங்கைக்கும் இடையில் வளர்ந்து வரும் நட்புறவை சீர்குலைக்க தீவிரவாதிகள் குழுவொன்று முயற்சித்ததை வெளிப்படுத்துவதாக கொழும்பு பல்கலைக்கழக வேந்தரும் அபயராமய பீடாதிபதியுமான முருத்தெட்டுவே ஆனந்த தேரர் தெரிவித்துள்ளார்.

நாரஹேன்பிட அபயாராம விகாரையில் நேற்று (05) பிற்பகல் சர்வ மதத் தலைவர்களின் ஏற்பாட்டில் நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் மேற்கண்டவாறு தெரிவித்தார்.

கடந்த சில மாதங்களுக்கு முன்னர் தான் பாகிஸ்தானுக்கு விஜயம் செய்திருந்ததாகவும், தற்போது பாகிஸ்தானுக்கு அச்சமின்றி செல்ல முடியும் எனவும் முருத்தெட்டுவே ஆனந்த தேரர் தெரிவித்துள்ளார்.

இதன்போது, ​​முழு உலகிற்கும் உடனடியாக முன்னுதாரணமாகவும், படுகொலையுடன் தொடர்புடைய அனைவரையும் கைது செய்யவும் பாகிஸ்தான் பிரதமர் எடுத்துள்ள நடவடிக்கைகளை வண.ஆனந்த தேரர் பாராட்டினார்.

மேலும், பாகிஸ்தான் தூதுவருடன் நேரில் பேசியதாகவும், மறைந்த பிரியந்த குமாரவின் பிள்ளைகளின் கல்விக்கு வசதி செய்து தருவதாக உறுதியளித்ததாகவும் அவர் கூறினார்.

இந்த ஊடகவியலாளர் சந்திப்பில் சர்வமத பேரவையின் இணைத்தலைவர் கொழும்பு ஸ்ரீ அத்போதி விகாரையின் பீடாதிபதி கலாநிதி கலகம தம்மரன்சி நாயக்க தேரரும் கலந்து கொண்டிருந்தார்.இந்த ஊடகவியலாளர் சந்திப்பில் இந்நாட்டு மக்களாகிய நாம் நினைவில் கொள்ள வேண்டும் என அவர் சுட்டிக்காட்டினார். இது இனவெறி சம்பவம் அல்ல.

இவ்வாறான சம்பவங்களை அடிப்படையாகக் கொண்டு எமது நாட்டில் நல்லிணக்கத்துடன் வாழும் தேசங்கள் ஒருபோதும் அந்நியப்படக்கூடாது என கலாநிதி கலகம தம்மரன்சி நாயக்க தேரர் தெரிவித்தார்.

இச் சம்பவம் குறித்து இலங்கையில் உள்ள இந்து சமூகம் சார்பில் பிரதமரின் இந்து சமய விவகார ஒருங்கிணைப்பாளர் பாபுசர்மா குருக்கள் இரங்கல் தெரிவித்துள்ளார். சம்பவம் நடந்த உடனேயே இலங்கை அதிபரை சந்தித்து ஆறுதல் கூறிய பாகிஸ்தான் பிரதமருக்கு, குற்றவாளிகளுக்கு எதிராக அதிகபட்ச நடவடிக்கை எடுத்ததற்கு திரு.குருக்கள் நன்றி தெரிவித்தார்.

பாகிஸ்தானில் பல ஆண்டுகள் பணியாற்றிய படித்த பொறியாளர் படுகொலை செய்யப்பட்டிருப்பது காட்டுமிராண்டித்தனமான செயல். எவ்வாறாயினும், பயங்கரவாதக் குழுவுடன் இணைந்த குழுவொன்றே இதனைச் செய்துள்ளதாகத் தெரிகிறது.ஆனால் இலங்கையர்களாகிய நாம் எமது நாட்டின் ஐக்கியத்தைப் பாதுகாக்க வேண்டும். நாம் மன்னிக்க கற்றுக்கொள்ள வேண்டும். அனைவரும் சகோதரர்கள், ஒரே நாட்டில் ஒரே குடும்பமாக நாம் தொடர்ந்து வாழ வேண்டும்,” என்றார்.

இந் நிகழ்வில் கலந்து கொண்ட முஸ்லிம் விவகாரங்களுக்கான பிரதமரின் இணைப்பாளர் அல்ஹாஜ் கலாநிதி ஹஸன் மௌலானா, இச்சம்பவம் தெரிவிக்கப்பட்டவுடன் நாட்டிலுள்ள பௌத்தர்கள், இந்துக்கள், முஸ்லிம்கள், கிறிஸ்தவர்கள் என அனைத்து தரப்பினரும் அதிர்ச்சியடைந்துள்ளனர். “நம் நாட்டில் படித்த ஒருவரை பாகிஸ்தானில் தீவிரவாத கும்பல் கொன்றதை நான் வன்மையாகக் கண்டிக்கிறேன். இஸ்லாம் என்ற முத்திரையை துஷ்பிரயோகம் செய்த இப்படிப்பட்டவர்கள் இஸ்லாத்தின் நற்பெயருக்கு களங்கம் ஏற்படுத்துகின்றனர்.இஸ்லாமிய மதத்தினரை அதிக மரியாதையுடன் நடத்த வேண்டும் என்று இஸ்லாம் போதிக்கிறது.இது இஸ்லாம் அங்கீகரிக்கும் விஷயமல்ல. இதுபோன்ற அட்டூழியங்களில் ஈடுபடுவோருக்கு அதிகபட்ச தண்டனை வழங்க பாகிஸ்தான் பிரதமரின் முடிவு உலக நாடுகளுக்கு முன்னுதாரணமாக உள்ளது.