ஐ.பி.எல். போட்டியின் 21-வது ‘லீக்’ ஆட்டம் மும்பை டி.ஒய்.பட்டீல் மைதானத்தில் இன்று இரவு 7.30 மணிக்கு நடக்கிறது. இதில் ஹர்த்திக் பாண்ட்யா தலைமையிலான குஜராத் டைட்டன்ஸ்- வில்லியம்சன் தலைமையிலான சன்ரைசர்ஸ் ஐதராபாத் அணிகள் மோதுகின்றன.
இந்த தொடரில் இதுவரை தோல்வியை சந்திக்காத ஒரே அணி குஜராத் டைட்டன்ஸ் ஆகும். அந்த அணி தான் மோதிய 3 ஆட்டங்களிலும் (லக்னோ, டெல்லி, பஞ்சாப்) வென்றது. குஜராத் அணி ஐதராபாத்தை வீழ்த்தி 4-வது வெற்றி பெறும் ஆர்வத்தில் உள்ளது.
