ரம்புக்கனையில் நேற்று இடம்பெற்ற அனர்த்தம் தொடர்பில் பிரதமர் மஹிந்த ராஜபக்ஷ விசனம் தெரிவித்துள்ளார்.
எரிபொருள் கோரி அமைதியான முறையில் போராட்டத்தில் ஈடுபட்ட பொதுமக்களை கலைக்க பொலிஸார் துப்பாக்கிச் சூடு நடத்தியதில் ஒருவர் உயிரிழந்ததுடன் பலர் காயமடைந்துள்ளனர்.
இந்த விடயம் தொடர்பில் பிரதமர் தனது டுவிட்டர் தளத்தில் அறிக்கை ஒன்றை வெளியிட்டுள்ளார்.
இதன்போது, ரம்புக்கனையில் இடம்பெற்ற அனர்த்தத்தைத் தொடர்ந்து தாம் மிகுந்த மனவேதனை அடைந்துள்ளதாகத் தெரிவித்துள்ளார்.
நாட்டிற்கு எப்போதும் மிகுந்த மரியாதையுடன் சேவையாற்றும் இலங்கை பொலிஸாரால் கடுமையான, பாரபட்சமற்ற விசாரணை மேற்கொள்ளப்படும் என்று தான் நம்புவதாக மகிந்த தெரிவித்துள்ளார்.
மேலும், ‘போராட்டக்காரர்கள் தங்கள் குடியுரிமையில் சம மரியாதை மற்றும் மரியாதையுடன் ஈடுபட வேண்டும் என்று நான் கேட்டுக்கொள்கிறேன்,’ என்று அவர் மேலும் கூறினார்
