கடந்த வாரம் காலி முகத்திடலில் உள்ள பண்டாரநாயக்கா சிலை மீது ஏறி அத்துமீறி நடந்து கொண்டதை அறிந்தேன். நான் முன்னரே கூறியது போல் இச்செயலை வன்மையாகக் கண்டிப்பதாக முன்னாள் ஜனாதிபதி சந்திரிக்கா பண்டார நாயக்க குமாரதுங்க தெரிவித்துள்ளார்.
அவர் தனது முகப்புத்தகத்தளத்தில் கருத்துவெளிட்டு பதிவொன்றை இட்டுள்ளார்.
அதில் நாடு முழுவதிலும் உள்ள இளைஞர்களாலும், பின்னர் சுமார் நூறு வீதமான பெரியவர்களாலும் ஆரம்பிக்கப்பட்ட அமைதிப் போராட்டம், அத்துமீறல் நடவடிக்கைகளால் ஈடுபடக்கூடாது என்பதை வலியுறுத்துகிறேன் எனவும் குறிப்பிட்டுள்ளார்.
மேலும் 69 மில்லியன் மக்களின் ஆணையுடன் ஆட்சிக்கு வந்த அரசாங்கம், எதிர்க்கட்சிக்கு வாக்களித்த 56 மில்லியன் மக்களுடன் சேர்ந்து, அகிம்சை வழியில் அரசாங்கத்தை இராஜினாமா செய்ய அழுத்தம் கொடுக்கிறது.
இது ஜனநாயக வரலாற்றில் ஒரு திருப்புமுனையாக அமைந்துள்ளது. இந்த மக்கள் சக்தியை நசுக்க போராளிகளை பிளவுபடுத்தவும் தூண்டவும் முயற்சிகள் நடக்கலாம். இந்த சம்பவமும் அப்படித்தான் இருக்கலாம்.
தற்போது அரசாங்கத்திடம் இரண்டு தீர்வுகள் மட்டுமே உள்ளன.
1. இடைக்கால நிர்வாகத்தினூடாக உள்ளுர் பொருளாதாரத்தை வலுப்படுத்தி நாட்டில் நிலையான அரசாங்கத்தை நிறுவுவதற்கு ஜனாதிபதி மற்றும் அரசாங்கத்தின் பதவி விலகல்.
2. எதிர்க்கட்சி உறுப்பினர்கள் அதற்குத் தயாராக இல்லை என்றால் உடனடியாக நாடாளுமன்றத் தேர்தலை நடத்தி நிலையான ஆட்சியைத் தேர்ந்தெடுக்க வேண்டும் எனவும் அவர் சுட்டிக்காட்டினார்.
மேலும், மக்கள் தங்கள் இலட்சியங்களை நிறைவேற்ற மக்கள் பிரதிநிதிகளுக்கு அதிகாரம் வழங்குகிறார்கள்.
அது அவர்கள் என்றென்றும் வைத்திருக்கக் கூடிய சக்தியல்ல, குறுகிய காலத்தில் கொடுக்கப்படும் அதிகாரம் என்பதை புரிந்து கொள்ள வேண்டும்.
அதற்கமைய மக்கள் விருப்பம் இருக்கும் வரை அவர்கள் ஆட்சியில் இருக்க முடியும், மக்கள் நிராகரித்தால் உடனடியாக அதிகாரத்தை கைவிட தயாராக வேண்டும்.
ஆனால், நம் நாட்டில் உள்ள பெரும்பான்மையான நாடாளுமன்றம், மக்களின் அனைத்து எதிர்ப்புக்களுக்கும் செவிசாய்க்காமல், ஆட்சியில் நீடிக்க இழிவான முயற்சியை மேற்கொண்டு வருகிறது.
மகாசங்கத்தினர், சிவில் சமூகம் மற்றும் பொதுமக்கள் உட்பட அனைத்து மதத் தலைவர்களின் பலத்த அழுத்தங்களுக்கு செவிசாய்க்காமல், அதிகாரத்தில் தன்னிச்சையாக தொங்கிக்கொண்டிருப்பதை நான் கடுமையாக வெறுக்கிறேன்.
அதன் உச்சகட்டத்தை நேற்று பாராளுமன்றத்தில் பார்த்தோம். தாங்கள் ஒரே குடும்பத்திற்காக நிற்கிறோம், பொதுமக்களுக்காக அல்ல என்று நேற்று பாராளுமன்றத்தில் ஆர்ப்பாட்டம் செய்தனர்.
அந்த அளவிற்கு சுதந்திரக் கட்சி வீழ்ந்துள்ளமை குறித்து நான் மிகவும் வேதனைப்படுகின்றேன். தற்போதுள்ள கட்சித் தலைமை தாங்கள் சொந்த இலட்சியத்திற்காகவே தவிர மக்கள் அரசியலில் ஈடுபடவில்லை என்பதை மேலும் நிரூபித்து வருகிறது.
இறுதியாக, அனைத்து பாராளுமன்ற உறுப்பினர்களும் நேர்மையாக மக்களுக்காக நிற்க வேண்டும் என்றும், அவர்களின் அபிலாஷைகளை பிரதிநிதித்துவப்படுத்த முடியாவிட்டால் பதவி விலக வேண்டும் என்றும் கேட்டுக்கொள்கிறேன் எனவும் தனது முகப்புத்தகத்தில் தெரிவித்துள்ளார்.
