இலங்கையின் மொத்த மின்சாரத் தேவையில் 70 வீதத்தை புதுப்பிக்கத்தக்க ஆற்றலில் அரசாங்கத்தின் இலக்கை பூர்த்தி செய்யும் வகையில் எதிர்வரும் 2030ஆம் ஆண்டளவில் 6 பாரிய அளவிலான புதுப்பிக்கத்தக்க திட்டங்கள் நிறுவப்படும் என மின்சாரம் மற்றும் எரிசக்தி அமைச்சர் கஞ்சன விஜேசேகர தெரிவித்தார்.
இது தொடர்பான திட்டங்களுக்கு அரசாங்க அனுமதியைப் பெறுதல், காணி சுவீகரிப்பு, மின் விநியோக பாதைகளை நிர்மாணித்தல், மின்சாரம் கொள்வனவு ஒப்பந்தங்கள், நிதி தேவைகள், திட்ட நிர்மாண காலக்கெடு போன்ற விடயங்கள் நேற்று (26) கலந்துரையாடப்பட்டதாகவும் அமைச்சர் தெரிவித்தார்.
அதானி கிரீன் எனர்ஜி (Adani Green Energy) நிறுவனத்தால் உருவாக்கப்பட்ட மன்னார் மற்றும் பூநகரின் 500 மெகாவாட் காற்றாலை மின் உற்பத்தித் திட்டம் எதிர்வரும் 2025ஆம் ஆண்டு ஜனவரி மாதத்தில் நிறைவடையும் என்றும், இந்தத் திட்டத்திற்குத் தேவையான 400 கிலோவோல்ட் டிரான்ஸ்மிஷன் லைனையும் நிறுவனம் பூர்த்தி செய்யும் என்றும் அமைச்சர் தெரிவித்தார்.
பூநகரி பிரதேசத்தில் 700 மெகாவாட்டிற்கும் அதிகமான நிலத்தடி சோலார் பேனல் ஆற்றல் திட்டத்தில் 134 மெகாவாட்கள் தேசிய அமைப்பில் நேரடியாக இணைக்கப்பட்டுள்ளது.
மின்கலங்களில் மின்சாரத்தை சேமித்து 700 மெகாவாட் வரை தேசிய அமைப்பை எளிதாக்குவதற்கும், திட்டத்தை நிர்மாணிப்பதற்கும் எதிர்வரும் 2024ஆம் ஆண்டு மார்ச் மாதத்தில் ஆரம்பிக்கவும் எதிர்பார்க்கின்றோம்.
அம்பாந்தோட்டை பிரதேசத்தில் அபிவிருத்தி செய்யப்படும் 150 மெகாவாட் நிலத்தடி சோலார் பேனல் திட்டம் உள்ளூர் முதலீட்டு கூட்டமைப்பாக நிர்மாணிக்கப்பட்டு வருகிறது.
அதே திட்டத்தை 2024 டிசம்பரில் இணைக்க உத்தேசிக்கப்பட்டு பொருத்தமான முதலீட்டாளர்களுக்கு வழங்கப்படவுள்ளது. ” என தெரிவித்தார்.
