இந்த ஆண்டின் 3வது காலாண்டில் மாகும்பர Park & Ride வசதிகள் ஊடாக வாகன பயன்பாடு முதல் காலாண்டுடன் ஒப்பிடுகையில் 54.9 வீதத்தால் அதிகரித்துள்ளதாக பிரதியமைச்சர் பிரசன்ன குணசேன தெரிவித்துள்ளார்.
இந்த வசதிகளை பயன்படுத்தும் வாகனங்களின் எண்ணிக்கை முதல் காலாண்டில் 34284 ஆக காணப்பட்ட போதிலும் 3வது காலாண்டில் அது 53129 ஆக அதிகரித்துள்ளது.
கடந்த ஏப்ரல் மாதம் 21ம் திகதி 10 பஸ்களைக் கொண்டு ஆரம்பிக்கப்பட்ட மெட்ரோ பஸ் சேவையுடன் மாகும்பர Park & Ride வசதிகளை பயன்படுத்தும் வாகனங்களின் எண்ணிக்கை குறிப்பிடத்தக்களவு அதிகரித்துள்ளதாக பிரதியமைச்சர் சுட்டிக்காட்டியுள்ளார்.
தமது தனிப்பட்ட வாகனங்களை பயன்படுத்தும் மக்கள் நாளாந்த போக்குவரத்து தேவைக்கென சௌகரியமான, பாதுகாப்புமிக்க மற்றும் நம்பிக்கைக்குரிய பொது வாகன சேவையொன்றை தெரிவு செய்வதற்கான சந்தர்ப்பம் இதனூடாக உருவாகியுள்ளதென பிரதியமைச்சர் பிரசன்ன குணசேன தெரிவித்துள்ளார்.
