ஈஸ்டர் தாக்குதலில் பாதிக்கப்பட்ட அனைவருக்கும் நீதியை நிலைநாட்டுவதற்கு அரசாங்கம் நடவடிக்கை எடுக்கும் ஜனாதிபதி கோட்டாபய ராஜபக்ஷ தெரிவித்துள்ளார்.
ஈஸ்டர் தினத்தை முன்னிட்டு ஜனாதிபதி வெளியிட்டு அறிக்கையிலே அவர் இவ்வாறு குறிப்பிட்டுள்ளார்.
ஈஸ்டர் என்பது கிறிஸ்துவின் இருளைக் கடந்து நம்பிக்கையைக் கொண்டுவரும் மாற்றும் சக்தியின் அறிவிப்பு.
நம்பிக்கை மற்றும் இரட்சிப்பின் மூலம் இவ்வுலகில் இருள் மற்றும் அவநம்பிக்கையை நீக்குவதற்கு கிறிஸ்துவின் சிலுவை மரணம் மற்றும் அவரது உயிர்த்தெழுதல் பற்றிய செய்தியைப் பற்றி சிந்திக்க அனைவரையும் அழைப்பதாக அவர் குறிப்பிட்டுள்ளார்.
இயேசு கிறிஸ்துவின் உன்னத போதனைகள், உலகம் முழுவதையும் தொடர்ந்து நேசிக்கவும், அக்கறை கொள்ளவும், சந்தேகங்களையும் நிச்சயமற்ற நிலைகளையும் நம்பிக்கையுடன் வெல்வதை நமக்கு நினைவூட்டுகின்றன.
நமது மதங்களால் நமக்குள் புகுத்தப்பட்ட ஆன்மீக ஒழுக்கம் கடந்த இரண்டு ஆண்டுகளில் தொற்றுநோயை நிர்வகிப்பதில் குறிப்பிடத்தக்க வகையில் பயனுள்ளதாக இருந்தது, இறுதியாக, எங்கள் சகோதர சகோதரிகள் இந்த ஈஸ்டரை வழக்கமான பண்டிகை உற்சாகத்துடன் கொண்டாட முடிகிறது என்பது எனது நம்பிக்கை.
எவ்வாறாயினும், மூன்று ஆண்டுகளுக்கு முன்பு நடந்த கொடூரமான ஈஸ்டர் ஞாயிறு தாக்குதலின் சோகமான அனுபவம் நம் மனதில் தொடர்ந்து எதிரொலிக்கிறது.
எனவே, ஈஸ்டர் ஞாயிறு தாக்குதலில் பாதிக்கப்பட்ட அனைவருக்கும் நீதியை உறுதி செய்வதிலும், அனைத்து பொறுப்புள்ள தரப்பினருக்கு எதிராகவும் உரிய மற்றும் முறையான விசாரணைகள் மூலம் சட்டத்தை அமுல்படுத்துவதற்கு எங்கள் அரசாங்கம் உறுதிபூண்டுள்ளது என்பதை நான் உறுதியளிக்கிறேன்.
அமைதி, தைரியம் மற்றும் நம்பிக்கை ஆகிய ஆன்மீக பரிசுகள் அனைவரின் வாழ்க்கையையும் வளமாக்கும் மகிழ்ச்சியான மற்றும் ஆசீர்வதிக்கப்பட்ட ஈஸ்டர் பண்டிகையை கொண்டாடும் அனைவருக்கும் நான் வாழ்த்துகிறேன் எனவும் அவர் அறிக்கையில் குறிப்பிட்டுள்ளார்.
