தெற்கு – மத்திய ஆசிய விவகாரங்களுக்கான பணியகத்தின் (SCA) உதவி இராஜாங்க செயலாளர் டொனால்ட் லு தலைமையிலான அமெரிக்க பிரதிநிதிகள் இன்று (06) வெளிவிவகார அமைச்சர் விஜித ஹேரத்தை சந்தித்தனர்.
தூதுக்குழுவில் சர்வதேச அபிவிருத்திக்கான யுனைடெட் ஸ்டேட்ஸ் ஏஜென்சி (USAID) மற்றும் அமெரிக்க கருவூலத் துறை போன்ற முக்கிய நிறுவனங்களின் பிரதிநிதிகள் பங்கேற்றனர்.
இது குறித்து எக்ஸ் தளத்தில் பதிவிட்டுள்ள இலங்கைக்கான அமெரிக்கத் தூதுவர் ஜூலி சுங்,
“இலங்கையின் புதிய நிர்வாகத்திற்கு நாங்கள் வாழ்த்துக்களை தெரிவித்ததுடன், பகிர்ந்து கொள்ளப்பட்ட முன்னுரிமைகள் குறித்து கலந்துரையாடினோம், இலங்கை மக்களுக்கு நன்மை பயக்கும் வகையில் இலங்கையின் பொருளாதார மற்றும் நிர்வாக சீர்திருத்தங்களுக்கு ஆதரவளிக்கும் வகையில் வடிவமைக்கப்பட்ட திட்டங்கள், திறன் மேம்பாடு மற்றும் தொழில்நுட்ப உதவிகள் மூலம் ஒன்றிணைந்து செயல்படுவதற்கான வழிகளை ஆராய்ந்தோம் என்று குறிப்பிட்டுள்ளார்.
