அவசரகால அனர்த்த நிலைமை குறித்த தகவல்களை வழங்க பொலிஸ் தலைமையக விசேட செயல்பாட்டு பிரிவு நிறுவப்பட்டுள்ளதாக தெரிவிக்கப்பட்டுள்ளது.
நாட்டில் ஏற்பட்ட சீரற்ற வானிலை காரணமாக, பல பகுதிகளில் பலத்த மழை, வெள்ளம், பலத்த காற்று மற்றும் மண்சரிவுகள் ஏற்பட்டுள்ள நிலையில், பாதிக்கப்பட்டகளை வெளியேற்ற அறிவிப்புகள் விடுக்கப்பட்டுள்ளன.
இந்த அவசரகாலத்தில் பயனுள்ள ஒருங்கிணைப்பை உறுதி செய்வதற்கும் அத்தியாவசிய உதவிகளை வழங்குவதற்கும், பொலிஸ்மா அதிபரின் நேரடி மேற்பார்வையின் கீழ், பொலிஸ் தலைமையகத்தில் ஒரு விசேட செயல்பாட்டுப் பிரிவு அமைக்கப்பட்டுள்ளது.
இந்த குழுவின் தொலைபேசி இலக்கங்களை பொலிஸ் ஊடகப்பிரிவு அறிக்கையொன்றினூடாக வெளியிட்டுள்ளது. அதன்படி,
தொலைபேசி இலக்கங்கள்
011-2013051
011-2027148
011-2027149
011-2472757
011-2430912
வாட்ஸ்அப் இலக்கங்கள்
071-8595884
071-8595883
071-8595882
071-8595881
071-8595880
மின்னஞ்சல் முகவரி:
igp.opsroom@police.gov.lk
பொலிஸ் நிலையங்களிலுள்ள அதிகாரிகள் அந்தந்த அதிகார எல்லைக்குள் அனர்த்தம் தொடர்பான சம்பவங்களுக்கு உடனடியாக பதிலளிக்க குறித்த குழுக்கள் ஒழுங்கமைக்கப்பட்டுள்ளன.
அனர்த்த முகாமைத்துவ நிலைய அதிகாரிகள், முப்படைகள் மற்றும் பிற தொடர்புடைய நிறுவனங்களுக்கு தகவல் தெரிவிக்கப்பட்டு, ஒருங்கிணைந்த மீட்பு முயற்சிகளில் ஒருங்கிணைக்கப்பட்டுள்ளன.
இடம்பெயர்ந்தவர்களின் வீடுகள் மற்றும் சொத்துக்களைப் பாதுகாக்க ஒவ்வொரு பொலிஸ் பிரிவிலும் நடவடிக்கைகள் மேற்கொள்ளப்பட்டுள்ளன.
அதேநேரம், பாதுகாப்பான இடங்களில் தங்க வைக்கப்பட்டுள்ளவர்களுக்கு போதுமான பாதுகாப்பு மற்றும் நலன்புரி வசதிகளை உறுதி செய்தல்.
அனர்த்தங்களில் பாதிக்கப்பட்டவர்களை மீட்டல், நிவாரணப் பொருட்களை விநியோகித்தல் மற்றும் பாதிக்கப்பட்ட பகுதிகளில் பாதுகாப்பை உறுதி செய்தல் போன்ற நடவடிக்கைகளில் பொதுமக்களின் ஒத்துழைப்பு கோரப்பட்டுள்ளது.
மேலும், ஆபத்தான மற்றும் அனர்த்த இடங்களுக்குப் பயணம் செய்தல், வாகனங்களை அலட்சியமாக ஓட்டுதல் போன்ற பொறுப்பற்ற நடத்தைகளைத் தவிர்க்குமாறு பொலிஸ் பொதுமக்களை கடுமையாக அறிவுறுத்தியுள்ளது.
