இலங்கை கிரிக்கெட் அணியின் சகலதுறை வீரர் ஜீவன் மெண்டிஸ் சர்வதேச கிரிக்கெட்டில் இருந்து ஓய்வு

இலங்கை கிரிக்கெட் அணியின் சகலதுறை  ஜீவன் மெண்டிஸ் சர்வதேச கிரிக்கெட்டில் இருந்து ஓய்வு பெற முடிவு செய்துள்ளார்.

மேலும், 2010ஆம் ஆண்டு சர்வதேச கிரிக்கெட்டில் அறிமுகமான ஜீவன் மெண்டிஸ் 58 ஒருநாள் போட்டிகளில் விளையாடி 28 விக்கெட்டுகளையும் 636 ஓட்டங்களையும் எடுத்துள்ளார்.

22 சர்வதேச இருபதுக்கு 20 போட்டிகளில் விளையாடியுள்ள ஜீவன் மென்டிஸ் 12 விக்கெட்டுகளை வீழ்த்தியுள்ளதுடன் 207 ஓட்டங்களைப் பெற்றுள்ளார்.

கடைசியாக அவர் ஜூன் 2019 இல் தென்னாப்பிரிக்காவுக்கு எதிரான ஒருநாள் போட்டியில் விளையாடியமை குறிப்பிடத்தக்கது.

அவர் தனது ஓய்வினை பெறுவதாக ட்விட்டர் பக்கத்தில் பதிவினை மேற்கொண்டுள்ளார்