இலங்கையின் புகழ்பெற்ற தந்தம் கொண்ட ‘கவந்திஸ்ஸ’ (Kavantissa) யானை சுடப்பட்டு உயிரிழந்த சம்பவத்திற்குக் காரணமானவர்களை உடனடியாகக் கைது செய்து சட்டத்தின் முன் நிறுத்தக் கோரி, சுற்றாடல் அமைப்புகள் மற்றும் வனவிலங்கு செயற்பாட்டாளர்கள் கொழும்பிலுள்ள சுற்றாடல் அமைச்சுக்கு முன்பு கவனயீர்ப்புப் போராட்டத்தில் ஈடுபட்டுள்ளனர்.
சுற்றாடல் அமைச்சுக்கு முன்பாகக் திரண்ட நூற்றுக்கணக்கான செயற்பாட்டாளர்கள் மற்றும் பொதுமக்கள், அரச அதிகாரிகளிடம் பின்வரும் கோரிக்கைகளை முன்வைத்தனர்.
கவந்திஸ்ஸ யானை மீது துப்பாக்கிப் பிரயோகம் மேற்கொண்ட குற்றவாளிகள் மீது கடுமையான சட்ட நடவடிக்கை எடுக்கப்பட வேண்டும்.
இலங்கையின் காட்டு யானைகளின் பாதுகாப்பை உறுதிப்படுத்த அரசாங்கம் உடனடியாகப் பயனுள்ள மற்றும் உறுதியான நடவடிக்கைகளை நடைமுறைப்படுத்த வேண்டும்.
வனவிலங்குகள் மீதான தொடர்ச்சியான மனிதத் தாக்குதல்களைத் தடுத்து, அவற்றின் நீண்டகால பாதுகாப்பிற்குப் புதிய பாதுகாப்பு ஏற்பாடுகளை அறிமுகப்படுத்த வேண்டும்.
துப்பாக்கிச் சூட்டுக்கு இலக்காகி பல வாரங்களாக தீவிர சிகிச்சைப் பெற்று வந்த ‘கவந்திஸ்ஸ’ யானை சிகிச்சைப் பலனின்றி 16-ஆம் திகதி பரிதாபமாக உயிரிழந்தது. இந்தச் சம்பவம் விலங்கு நல ஆர்வலர்களிடமும் பொதுமக்களிடமும் பெரும் அதிர்ச்சியையும் சோகத்தையும் ஏற்படுத்தியிருந்தது.
