சிந்தனையாளர், ஆய்வாளர், இலக்கியவாதி, கவிஞர், எழுத்தாளர், வளவாளர் மற்றும் பன்னூல் ஆசிரியருமான அல்-உஸ்தாத் அஷ்-ஷைக் எச். அப்துல் நாஸர் ஹழ்ரத் அவர்களின் “அல்-ரபீஃ” எனும் நபி புகழ் கவிதை நூல் வெளியீட்டு விழா இன்று [21] புதன்கிழமை, மாலை 03:45 மணி முதல் 06:00 மணி வரை கொழும்பு 10, டி.ஆர். விஜயவர்தன மாவத்தையில் அமைந்துள்ள தபால் தலைமையகத்தின் 2-ஆம் மாடி கேட்போர் கூடத்தில் நடைபெற ஏற்பாடு செய்யப்பட்டுள்ளது.
இவ்விழாவிற்கு இலங்கை தேசிய சமாதானப் பேரவையின் பணிப்பாளரும், ‘மீடியா லிங்க்’ தவிசாளருமான அல்-ஹாஜ் எம்.எச்.எம். நியாஸ் அவர்கள் தலைமை தாங்குகிறார்.
ஓய்வுபெற்ற மேன்முறையீட்டு நீதிமன்ற நீதிபதியான கௌரவ நீதியரசர் அல்-ஹாஜ் அஹ்ஸன் மரிக்கார் LLM (Col) பிரதம அதிதியாகக் கலந்துகொள்கிறார்.
விழாவில் கௌரவ அதிதியாகக் கலந்துகொள்ளும் கிழக்குப் பல்கலைக்கழக அரபுப் பிரிவின் முன்னாள் தலைவரும், இந்நாள் சிரேஷ்ட விரிவுரையாளருமான அஷ்-ஷைக் அல்-ஹாபில் ஐ.எம். தாலிப் PhD (R), B.A. Hons. (SEUSL), M.A. (NUM Malaysia) நூலாசிரியர் அறிமுக உரையை ஆற்றவுள்ளார்.
அறிஞரும் கவிஞருமான அஷ்-ஷைக் எம்.பி.எம். ஹிஷாம் (பத்தாஹி) (ஆசிரியர் – குல்லிய்யத் மதீனத் அல்-இல்ம், தலைவர் – கொழும்பு பெரிய பள்ளிவாசல் பிறைக் குழு) ‘அல்-ரபீஃ’ நூல் குறித்த திறனாய்வு உரையை வழங்கவுள்ளார்.
இவ்விழாவில் இலக்கியவாதிகள், அறிஞர்கள், சமூகப் பெரியோர்கள் மற்றும் பொதுமக்கள் பலரும் கலந்துகொள்ளவுள்ளனர்.
