மத்திய கிழக்கில் நடந்து வரும் மோதல்கள் காரணமாக மொத்தம் நான்கு இலங்கையர்கள் காயமடைந்துள்ளதாக வெளிவிவகார பிரதி அமைச்சர் அருண் ஹேமச்சந்திர தெரிவித்தார்.
எவ்வாறெனினும், அந்த நான்கு பேரும் தற்போது சிகிச்சை பெற்று வைத்தியசாலைகளிலிருந்து வெளியேறியுள்ளதாகவும் அவர் குறிப்பிட்டார்.
தற்போதைய சூழ்நிலையைக் கருத்தில் கொண்டு, மத்திய கிழக்கில் வாழும் இலங்கையர்களின் பாதுகாப்பிற்கு தற்போதைய அரசாங்கம் முன்னுரிமை அளித்து வருவதாகவும், இராஜதந்திர பணிகள் மூலம் தொடர்ச்சியான கண்காணிப்பு மேற்கொள்ளப்பட்டு வருவதாகவும் அவர் கூறினார்.
இதற்கிடையில், இஸ்ரேல் மற்றும் அமெரிக்காவுடன் ஈரான் சம்பந்தப்பட்ட இராணுவ மோதல் இப்பகுதியில் தொடர்கிறது.
ஈரான் அண்டை மத்திய கிழக்கு நாடுகள் மீது மேலும் தாக்குதல்களை நடத்தாது என்று ஈரான் ஜனாதிபதி கூறியிருந்தாலும், இதுவரை நடத்தப்பட்ட தாக்குதல்களுக்கு மன்னிப்பு கேட்டிருந்தாலும், குவைத், கட்டார், சவுதி அரேபியா மற்றும் ஐக்கிய அரபு எமிரேட்ஸ் உள்ளிட்ட மத்திய கிழக்கு நாடுகள் மீது ஈரானியப் படைகள் தொடர்ந்து தாக்குதல்களை நடத்தி வருவதாக வெளிநாட்டு ஊடகங்கள் தெரிவிக்கின்றன.
