Sunday, November 15, 2026

இரு தரப்பு வர்த்தகத்தை 1 பில்லியன் டொலராக விரிவுபடுத்த இலங்கை-வியட்நாம் இணக்கம்!

1 min read · 1 reads

2030- ஆம் ஆண்டுக்குள் ஆண்டு இருதரப்பு வர்த்தகத்தை ஒரு பில்லியன் டொலராக அதிகரிக்க இலங்கையும் வியட்நாமும் உத்தேசித்துள்ளதாக ஜனாதிபதி அநுரகுமார திசாநாயக்க இன்று (08) அறிவித்தார்.

தனக்கும் வருகை தந்த வியட்நாம் ஜனாதிபதிக்கும் இடையே நடைபெற்ற இருதரப்புப் பேச்சுவார்த்தையின்போது இந்த முடிவு எடுக்கப்பட்டதாக அவர் தெரிவித்தார்.

 

புதுப்பிக்கத்தக்க ஆற்றல், தளவாடங்கள், உள்கட்டமைப்பு மேம்பாடு, சுற்றுலா மற்றும் உற்பத்தி ஆகிய முன்னுரிமைத் துறைகளில் முதலீடு மற்றும் வணிக வாய்ப்புகளை ஆராயுமாறு வியட்நாமிய முதலீட்டாளர்களுக்கு ஜனாதிபதி அநுரகுமார மேலும் அழைப்பு விடுத்தார்.

 

இலங்கையின் விவசாயத் துறையை மேலும் மேம்படுத்துவதற்காக, 100 மெட்ரிக் தொன் யூரியா மற்றும் சூப்பர்பாஸ்பேட் உரத்தை நன்கொடையாக வழங்க வியட்நாம் ஒப்புக்கொண்டுள்ளதாகவும் அவர் அறிவித்தார்.

கொழும்புக்கும் ஹனோய்க்கும் இடையே நேரடி விமான சேவைகள் இந்த ஆண்டு அதிகாரப்பூர்வமாகத் தொடங்கப்படும் என்றும் ஜனாதிபதி மேலும் அறிவித்தார்.

வியட்நாம் ஜனாதிபதியும், வியட்நாம் கம்யூனிஸ்ட் கட்சியின் பொதுச் செயலாளருமான டோ லாமுடன் இணைந்து நடத்திய செய்தியாளர் சந்திப்பில் ஜனாதிபதி இந்த அறிவிப்பை வெளியிட்டார்.

இலங்கையும் வியட்நாமும் தகவல் மற்றும் தொடர்பு, கலாச்சாரம், மதம், அறிவியல் மற்றும் தொழில்நுட்பம் ஆகிய துறைகளில் ஐந்து புரிந்துணர்வு ஒப்பந்தங்களையும் கையெழுத்திட்டமை குறிப்பிடத்தக்கது.

கருத்துக்கள் Comments

இன்னும் கருத்துக்கள் இல்லை – முதல் கருத்தை நீங்கள் எழுதுங்கள். No comments yet – be the first.

உங்கள் கருத்தைப் பகிருங்கள் Leave a comment

Your email is not shown. Comments appear after an editor checks them.