நாட்டிலிருந்து பதிவாகும் மொத்த டெங்கு நோயாளர்களின் எண்ணிக்கை இன்று 28 ஆம் திகதி நிலவரப்படி ஒரு லட்சத்தைக் கடந்துள்ளதாக மேல் மாகாணத்தின் பதில் பிரதி மாகாண சுகாதார சேவைகள் பணிப்பாளர், விசேட வைத்திய நிபுணர் நவீந்த சொய்ஸா தெரிவித்துள்ளார்.
கடந்த மாதங்களுடன் ஒப்பிடுகையில் தற்போது நாளாந்தம் பதிவாகும் நோயாளர்களின் எண்ணிக்கையில் சிறு குறைவு காணப்பட்டாலும், ஆபத்து முழுமையாக நீங்கவில்லை என அவர் குறிப்பிட்டுள்ளார்.
அத்துடன், 7 மாகாணங்கள் தற்போதும் அதிக ஆபத்தான மட்டத்தில் தொடர்வதாகவும் அவர் கூறினார்.
இந்த நிலவரத்தைக் கருத்திற்கொண்டு பொதுமக்கள் சுகாதார வழிகாட்டல்களை முறையாகப் பின்பற்றுவதற்குப் பொறுப்புடன் செயற்பட வேண்டும் என்றும் விசேட வைத்திய நிபுணர் நவீந்த சொய்ஸா மேலும் வலியுறுத்தினார்.
