தோல்விப்பட்டியலில் இலங்கை கிரிக்கெட் அணிக்கு முதலிடம்!
இங்கிலாந்து அணிக்கு எதிரான இரண்டு ஒருநாள் போட்டிகளிலும் இலங்கை அணி தோல்வி அடைந்த நிலையில், அதிகப்படியான ஒருநாள் கிரிக்கெட் போட்டிகளில் தோல்வியடைந்த சர்வதேச அணியாக இலங்கை பதிவாகியுள்ளது.
1975 ஆம் ஆண்டு முதல் ஒருநாள் போட்டிகள் இடம்பெறுகின்றன.இலங்கை அணி இதுவரையில் 860 போட்டிகளில் விளையாடியுள்ளது.அவற்றில் 428 போட்டிகளில் இலங்கை தோல்வி அடைந்துள்ளது.
இலங்கைக்கு அடுத்தபடியாக இந்தியா 427 போட்டிகளில் தோல்வியுற்று இரண்டாம் இடத்தில் உள்ளது.பாகிஸ்தான் 414 ஒருநாள் போட்டிகளில் தோல்வியடைந்துள்ளது.
அதேநேரம் இலங்கை அணி கடந்த 2015 ஆம் ஆண்டின் பின்னர் விளையாடிய 62 சதவீதமான ஒருநாள் போட்டிகளில் தோல்வி அடைந்திருப்பதாகத் தெரிவிக்கப்படுகிறது.
மேலும் இலங்கையின் ஒருநாள் போட்டிகளின் வெற்றித்தோல்வி விகிதம் 0.911 ஆக உள்ளது.இதில் தென்னாபிரிக்கா முதல் இடத்தில் இருப்பதுடன், அதன் வெற்றித்தோல்வி விகிதம் 1.77 ஆகும்.
