அரசாங்கத்தின் அதிரடி நடவடிக்கையில் இதுவரை 66 சந்தேக நபர்கள் நாடு கடத்தல்!
2024 செப்டம்பர் 21 அன்று தற்போதைய அரசாங்கம் பதவியேற்றதிலிருந்து, ஒழுங்கமைக்கப்பட்ட குற்றங்கள் மற்றும் போதைப்பொருள் கடத்தலுடன் தொடர்புடைய, வெளிநாடுகளுக்குத் தப்பிச் சென்றிருந்த 66 சந்தேக நபர்களை இலங்கை அதிகாரிகள் மீண்டும் நாட்டுக்கு அழைத்து வந்துள்ளதாகத் தெரிவிக்கப்பட்டுள்ளது.
இந்தச் சந்தேக நபர்கள் சம்பந்தப்பட்ட 113 வழக்குகள் மீதான விசாரணைகளின் விளைவாக, 6,000 மில்லியன் ரூபாய்க்கும் (ரூ. 6,000,154,630.75) அதிகமான மதிப்புள்ள சொத்துகள் முடக்கப்பட்டுள்ளதாகக் பொலிஸ் தலைமையகம் குறிப்பிட்டுள்ளது.
இதில், போதைப்பொருள் கடத்தல் சந்தேக நபர்கள் 102 பேருக்குச் சொந்தமான 5,423 மில்லியன் ரூபாய் மதிப்பிலான சொத்துகளும், ஒழுங்கமைக்கப்பட்ட குற்றச் செயல்களில் ஈடுபட்ட மூவருக்குச் சொந்தமான 209 மில்லியன் ரூபாய் மதிப்பிலான சொத்துகளும் அடங்கும்.
குற்றவாளிகளை நாடு கடத்துவதை எளிதாக்கும் வகையில், 2024 செப்டம்பர் முதல் இன்டர்போல் ஊடாக 110 புதிய ‘சிவப்பு அறிவிப்புகள்’ வெளியிடப்பட்டுள்ளன.
2026 ஆகஸ்ட் 18 நிலவரப்படி, இலங்கை பொலிஸாரால் வெளியிடப்பட்ட மொத்த சிவப்பு அறிவிப்புகளின் எண்ணிக்கை 236 ஆக உள்ளது.
இதில் ஒழுங்கமைக்கப்பட்ட குற்றச் செயல்களுடன் தொடர்புடைய சந்தேக நபர்களுக்கான 96 அறிவிப்புகளும் அடங்கும்.
இவர்களில் 18 பேர் ஐக்கிய அரபு அமீரகத்திலும், 11 பேர் இந்தியாவிலும், தலா ஒருவர் வீதம் ஐக்கிய இராச்சியம், பிரான்ஸ், ரஷ்யா, கனடா மற்றும் இத்தாலியிலும் வசிக்கின்றனர்.
